МО и АРМ имаат одлична соработка со КФОР на Косово
Министерството за одбрана и Армијата на Република Македонија имаат одлична соработка со КФОР на Косово, заклучија на денешната средба во Министерството за одбрана, министерот Зоран Јолевски и командантот на КФОР, генерал-мајор Гуџлиермо Миџлиета.
Министерот Јолевски на средбата посочил дека Република Македонија во континуитет дава придонес кон напорите на меѓународната заедница за мир и стабилност на регионот.
- Дел од тие напори е и логистичката поддршка за КФОР, истакнал министерот Јолевски, соопшти денеска МО.
Генералот Миџлиета се заблагодарил за средбата и додаде дека како и досега, потребно е и во иднина да се одржуваат постојаните контакти и средби на високо ниво.
На средбата соговорниците разговарале за геополитичката состојба во поширокиот регион и Европа, како и за состојбата околу мигрантската криза која го зафати континентот. Во тој контекст министерот истакнал дека Армијата на Република Македонија продолжува со поддршката на полицијата на јужната граница.
- Наша цел е хуман третман и ефикасен транзит на мигрантите низ територијата на Република Македонија, кон нивната крајна цел, рекол министерот Јолевски.
Оваа средба е првата официјална средба на ново поставениот командант на силите КФОР на Република Македонија, како и прва средба со министерот за одбрана Јолевски.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност