МНР на Турција: Одлуката на грчките власти за неекстрадирање на турските војници противречи на меѓународното право
Турското Министерство за надворешни работи денеска протестираше против одлуката на грчките власти кои одбија да и ги предадат на Анкара турските војници кои избегале од земјата по обидот за пуч на 15 јули минатата година.
Грчкиот Врховен суд се произнесе денеска против екстадицијата на осумте турски војници, кои беа обвинети од страна на Анкара дека се вмешани во обидот за преврат.
- Ние протестираме против одлуката на грчкиот суд, што со ова спречува виновниците да застанат пред лицето на правдата. Таа позиција на грчките власти отвора пат кон нарушување на нормите на меѓународното законодавство и правата на настраданите (при обидот за преврат), а исто така и кон тоа, што виновните нема да бидат казнети, стои во соопштението на турското Министерство.
Турското Министерство за надворешни работи исто така наведе дека Грција ги заштитува учесниците во обидот за преврат и покажува пропусти во борбата против тероризмот.
„Грчката одлука противречи на меѓународното право, изгледа оти е политички мотивирана и ги нарушува правата на жртвите при обидот за пуч, истакна турското МНР.
Турското Министерство истакна дека Турција ќе продолжи со напорите со цел да ја обезбеди екстрадицијата.
Претходно денеска, турските власти издадоа наредба за апсење на осумте војници, кои избегаа во Грција по обидот за преврат во Турција во јули минатата година, јави БТА.
Ново на Сител
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа