Младите македонски ракометари поразени од Данска домаќинот на Европското првенство

 

Во натпреварот од 2.коло на Ц групата, кој се одигра во Колдин, македонските младинци, се поразени данските врсници со 18:23 полувреме 11:10.

 

Иако одиграа одлично прво полувреме во кое имаа и три гола предност, сепак во вториот дел избраниците на селекторот Александар Јовиќ беа далеку од играта која ја прикажаа во првите 30-минути. Тоа младите Данци знаеја како да го искористат и на крајот заслужено стигнаа до втората победа на првенството, нанесувајќи и го на Македонија вториот пораз.

 

Најефикасен во редовите на црвено-жолтите беше Филип Талески со 8 голови, додека Давор палевски постигна 3.

 

Претходно во оваа група селекцијата на Холандија ја победи Норвешка со 31:28 .