Спорт плус
27. August 2015 - 12:10

Младите кик-боксери со три медали од ЕП

Македонските репрезентативци во кик бокс, кои учествуваат на Европското јуниорско првенство во Сан Себастијан, Шпанија обезбедија три медалa. Хадис Рамадани, Бобан Илиоски и Марија Божиновска во четврток ќе се борат за пласман во финалето во своите категории.
 
Хадис Рамадани, во категоријата до 67 килограми, во лоу кик, го победи Стефано Цанчели со 2:1.
 
Бобан Илиоски, во лоу кик, категорија до 71 килограм забележа победа над Наџад Пивнев од Русија со 3:0.
 
Најубедлива беше Марија Божиновска која за пласман во полуфиналето, во кик лај во категоријата над 70 килограми ја победи Карен Галач од Хрватска.
 
Во полуфиналето Рамадани ќе се бори против Дамиен Пискореш од Полска, Илиоски за противник ќе го има Данило Ракитиќ од Србија, а Божиновска ќе се бори против Марија Липка од Полска.