Министерство за транспорт: Да се создадат услови за нормализирање на железничкиот сообраќај
Министерството за транспорт и врски соопшти дека денеска или најдоцна до утре ќе обезбеди дел од потребните пари за покривање на загубите за патнички сообраќај во МЖ Транспорт, каде машинскиот и извршниот персонал веќе два дена целосно го блокира железничкиот сообраќај.
Во соопштение по средбата на вицепремиерот за економски прашања Кочо Анѓушев и министерот за транспорт и врски Горан Сугарески со менаџерскиот тим на МЖ Транспорт и претставници на штрајкувачкиот одбор ресорното Министерство апелира до менаџерскиот тим и синдикалните организации да најдат решенија во најбрз можен рок за да се овозможи непречено одвивање на железничкиот сообраќај.
- Министерството за транспорт и врски во рамките на своите надлежности и понатаму ќе продолжи со исплата на средства на име трансфери и субвенции кон Железница, но потребно е да се создадат услови за нормално функционирање на железничкиот систем. Во случај на продолжување на блокада на железничкиот сообраќај ќе се доведе во прашање исплатата на заостанатите плати за сите вработени во железничките претпријатија, се вели во соопштението.
Претходно, Душко Чакаровски, машиновозач во МЖ ад Транспорт, изјави дека на средбата со владините претставници и менаџментот на претпријатието добиле ветување за исплата на вториот дел од октомвриската плата во текот на денов или најдоцна утре, но, како што рече, додека не бидат префрлени парите нема да прекине блокадата на железничкиот сообраќај.
Возовите ќе тргнат кога ќе бидат исплатени парите, рече Чакаровски.
На средбата, додаде, им било речено дека засега не може да се гарантира дека до 25 декември ќе се исплати во целост платата за ноември, како што побараа вработените, и за тоа се остава простор да се разговара дополнително.
Протестот на машинскиот и на извршниот персонал во МЖ ад Транспорт почна завчера првично со целосен прекин на товарниот сообраќај, по што беше блокиран и патничкиот превоз.
Ново на Сител
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг