Милевски: Посакуваме триумф против Австрија

Македонската фудбалска репрезентација до 21 година утре во 13 часот на Националната арена „Филип Втори“ против Австрија го игра натпреварот од четвртото коло за пласман на ЕП во Италија. Селекторот Благоја Милевски дополнително го повика Елиф Елмас за настап против Австрија во обид да с еоствари позитивен резултат.

 

Милевски вели дека противникот е добро анализиран и очекува неговите избраници да одиграат квалитетен натпревар.

 

- Австрија е добро анализирана, се подготвивме добро и очекувам да одиграме квалитетен натпревар. Мечот со Гибралтар е веќе заборавен, фокусирани сме максимално на новиот предизвик и се надевам дека ќе ја исполниме целта. Австрија има свои квалитети, тоа е повеќе од јасно, но ние сме фокусирани на нашето издание, смета македонскиот селектор.

 

Утрешниот дуел може да биде клучен, но потоа имаме уште шест натпревари. Основна цел во овие квалификации е да се подобри рејтингот и да бидеме конкурентни во квалификациите. Притисок секогаш постои и треба да научиме да се носиме со тоа, без оглед дали е позитивен или негативен, изјави Милевски на денешната средба со новинарите.