Живот
19. October 2017 - 13:41

Ми правеше „третмани“: Лекар од репрезентација сексуално злоставувал гимнастичарки

Американската гимнастичарка Меккејла Мароуни на социјалните мрежи објави потресна исповед за сексуалното злоставување, кое со години го вршел лекарот на американската гимнастичка репрезентација, Лери Насар.
 
– Ми рече дека се работи за неопходен медицински третман којшто тој го изведува преку 30 години. Тоа почна кога имав само 13 години, во еден камп за тренинг, а не престана се дури не се откажав од спортот. Ми правеше „третмани“ секогаш кога имаше прилика за тоа, раскажува девојката.
 
Се покажа дека таа не единствената што била злоставувана. Со свои приказни се јавија уште неколку гимнастичарки. Нејзината колешка од репрезентацијата, Џејми Данцшер сведочи како, додека ја допирал по интимните делови, докторот ја уверувал дека тоа ќе помогне да се справи со болката при евентуална повреда.
 
Насар моментно се наоѓа в затвор поради поседување детска порнографија, и го чека судење за сексуално злоставување на 125 девојки.