Мета во посета на Медвеѓа: Порака за нова соработка
Албанскиот претседател Илир Мета денеска пристигна во посета на Медвеѓа. На преминот Мутивода беше пречекан од претседателот на Координативното тело за јужна Србија Зоран Станковиќ и претседателот на Општината Медвеѓа Небојша Арсиќ.
Станковиќ за агенцијата Танјуг изјави дека посетата на Мета е договорена на државно ниво со Амбасадата на Србија во Тирана и дека денеска почнале прелиминарни разговори со советниците од албанска и српска националност кои изнеле свои мислења за политичката ситуација и за тоа што треба да се направи за подобрување на односите помеѓу Србија и Албанија.
Албанскиот претседател изјави дека е многу задоволен што може да испрати порака за нова соработка.
- Самиот факт што сме овде значи дека сме позитивни и затоа сме овде - да дадеме јасна порака дека сме за соработка и заедничка работа. Сакам да истакнам од Медвеѓа дека иднината на нашите народи и целиот регион е во Европската унија, а тоа може да се оствари единствено со блиска соработка, рече Мета.
Тој изрази очекување дека неговата посета ќе придонесе да се посвети повеќе внимание на албанското национално малцинство во Србија.
Како што јави Танјуг, Мета додаде дека е задоволен и од начинот на кој го поздравиле локалните власти и претставниците на државата, како и поради идните разговори со советниците, општинското раководство и Координативното тело.
Станковиќ додаде дека со Мета ќе имаат одвоен разговор за неколку важни теми, а дека главна тема ќе бидат учебниците за чија употреба е постигнат договор меѓу Националниот совет на Албанците во Србија и Министерството за образование на Србија.
- Предвидено е 35 учебника од Албанија и осум учебници со национални обележја, вредности и култура на албанскиот народ да бидат на располагање на училиштата во кои се учи албански јазик, рече Станковиќ.
На средбата ќе разговараат и за обележјата на албанското национално малцинство во Србија. - Тие обележја, знаме и грб, мора да имаат отстапки во однос на државните симболи на Албанија и Националниот совет треба да предложи обележја на албанското национално малцинство за кои потоа ќе се разговара, појасни Станковиќ.
Тој најави дека двајцата ќе разговараат и за решавање на економските проблеми и невработеноста, како и за соработка во областа на културата и спортот.
Претседателот на Општината, Арсиќ рече дека Медвеѓа е одличен пример за добри меѓунационални односи.
- Овде луѓето не се делат по националност, туку по човечност и добредојден е секој кој има добри намери, рече Арсиќ при пречекот на Мета.
Посетата на албанскиот претседател завршува утре
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка