Свет
22. August 2016 - 8:24

Меркел, Ренци и Оланд денеска ќе разговараат за иднината на ЕУ по Брегзитот

Лидерите на Германија, Италија и Франција денеска ќе имаат средба на островот Вентетоне,  крај Неапол, на која ќе ја разгледаат ситуацијата во Европската Унија по Брегзитот.

Италијанскиот премиер Матео Ренци избра да им биде домаќин на германскиот канцелар Ангела Меркел и на францускиот претседател Франсоа Оланд на островот каде за време на Втората светска војна двајца италијански интелектуалци го изготиле манифестот за политичкото обединување на Европа. 

Ова е втората средба на лидерите на трите водечки економии во еврозоната, откако Британците гласаа за излегување од ЕУ.

-Тие ќе дојдат да ја разгледаме можноста како Европа повтроно да ја лансираме од дното, кажа вчера Ренци.

„Понеделник има за цел да го покаже единството на трите најголеми земји во Европа, а не да создава някаков специјален клуб“, изјави дипломатски извор во Париз, цитиран од британските медиуми. Според него, Меркел, Ренци и Оланд ќе имаат за цел само да ја создадат базата за претстојниот самит на ЕУ во Братислава.