Меркел и Оланд разговараа за иднината на Европа и подготовката на средбата во Братислава
Германската канцеларка Ангела Меркел денеска изјави дека е од суштинско значење на утрешната средба на високо ниво на ЕУ во Братислава, вниманието да се насочи кон послабите земји.
- Во Братислава треба да излеземе со став дека сме цврсто решени да реагираме заедно со послабите земји, заедно да ги решаваме задачите кои се наоѓаат пред нас, истакна Меркел на прес-конференција во Париз, по средбата со францускиот претседател Франсоа Оланд пред утрешниот Самит.
Оланд ја повика Европа да изработи јасна визија за нејзината иднина, додавајќи дека на средбата во Братислава треба да биде договорен план и да се подготви патоказ за ЕУ по одлуката на Велика Британија за излез од Унијата.
Елисејската палата соопшти дека Оланд и Меркел „тесно соработуваат“ за постигнување согласност околу предлозите кои ќе бидат разгледани во Братислава, а главно внимание е посветено кон безбедносните прашања на Европа.
Тие сакаат создавање на европски вооружени сили со постојано седиште, од каде ќе може итно да се испраќа европска војска доколу е потребно.
Се очекува двајцата лидери да се заложат и за подобра заштита на надворешните граници на ЕУ и подобрување на соработката меѓу полициските служби, правосудните системи и разузнавачките агенции на земјите-членки.
Велика Британија, која изгласа Брегзит, не е поканета на средбата во Братислава.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок