Меркел: Брегзитот ќе има своја цена
Европската унија ќе се однесува праведно кон Велика Британија откако земјата ќе го напушти блокот, но Лондон мора да биде свесен дека Брегзитот ќе има своја цена, изјави денеска во Берлин германската канцеларка Ангела Меркел.
Говорејќи на конференција за семејните бизниси, Меркел нагласи дека цената од Брегзитот за Велика Британија ќе биде поголема доколку Лондон не се согласи на слободно движење на државјаните на земјите членки на ЕУ.
- Ќе треба да видиме како да го избалансираме сето тоа. На ЕУ ќе и се потребни механизми за справување со новите правила во Велика Британија по Брегзитот, кои би можеле да ја загрозат слободната конкуренција, порача Меркел.
Велика Британија во март официјално го покрена процесот за истапување од ЕУ, а преговорите меѓу Лонсон и Брисел за Брегзитот се очекува да започнат следниот месец.
Меркел претходно и порача на Велика Британија дека ќе треба да очекува подистанциран однос од страна на ЕУ, кога веќе нема да биде членка на Унијата.
Ново на Сител
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид
-
Преглед на вестите од светот
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно