Мерцедесот на Јосип Броз Тито се продава за три милиони евра
Мерцедесот, кој му припаѓал на некогашниот претседател на СФРЈ Јосип Броз Тито, а во кој се возеле лидери на многу држави и нивните сопруги, се продава за три милиони евра.
Познато е дека Тито бил голем љубител на автомобили и имал цела колекција. Најдобриот примерок во таа колекција бил мерцедесот 600 полукабриолет со шест врати, од кој се произведени само девет такви возила.
Мерцедесот, кој е произведен во 1971 година, го користел Тито се до неговата смрт во 1980 година. Некое време подоцна се користел за превоз на важни странски гости од аеродромот во хрватскиот град Пула до резиденцијата Бриони, а во 1989 година управата на резиденцијата го продала мерцедесот на странски купувач. Оттогаш автомобилот сменил неколкумина сопственици колекционери.
Неодамна мерцедесот повторно е понуден за продажба од аукциската куќа „Том Хартли Јуниор“, а според неофицијални информации почетната цена ќе биде малку под три милиони евра.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари