Меѓународниот ден на Ромите одбележан во Кочани
По повод Меѓународниот ден на Ромите-8 Април, невладините организации „Авена“ и „Светла иднина“ со повеќе активности се вклучија во одбележувањето на празникот.
Здружението на граѓани „Авена“ своите активности ги насочи кон посета на децата од проектот „Инклузија на деца Роми“ во детската градинка „Павлина Велјанова“ и со богата културно-уметничка програма за родителите од ромска и македонска националност.
- Во проектот „Инклузија на деца Роми“ во нашата градинка се вклучени 25 ромски деца од две до 6-годишна возраст. Проектот се реализира десетина години по ред и за него постои голем интерес кај младите родители од ромска националност за посета на нивните деца во градинка, изјави Лидија Ефтимова, директор на градинаката во Кочани.
Центарот за култура „Светла иднина“ својата активност ја насочи со активности во градскиот парк каде на неколку штандови беше презентирана традиционалната ромска храна, носии и занаети.
- Пред очите на посетителите понудивме богата трпеза од наши ромски традиционални јадења, меѓу кои се сарма од лозов лист, зелник со праз, тава ориз со копан, како и традиционалната баклава. Презентиравме и два веќе стари занаети и тоа изработка на јажиња и плетење на корпи од слама, изјави Мустафа Саидов, претседател на Центарот за култура „Светла иднина“ од Кочани.
По повод одбележувањето на празникот ќе биде организиан и турнир во мал фудбал со учество на ученици Роми и Македонци од кочанските основни училишта.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација