Меѓународна работилница за стандардите на ЕУ за обука на судии и обвинители
Меѓународна работилница за „Стандардите на ЕУ за почетна обука на судии и јавни обвинители“ ќе се одржува денеска и утре во Скопје, во организација на Академијата за судии и јавни обвинители „Павел Шатев“, а во соработка и со финансиска поддршка на Инструментот за техничка помош и размена на информации (ТАIEX) на Европската Комисија.
Целта на работилницата е да се зголеми знаењето на учесниците за стандардите на ЕУ во врска со изборот и почетната обука на идните судии и јавни обвинители.
- Обезбедувањето соодветна обука на судиите и јавните обвинители е клучна цел во областа на владеење на правото, што претставува клучен дел од процесот на интеграција во ЕУ. Целта е да се зајакне ефикасноста, професионалноста и транспарентноста на судските и обвинителските институции и да се помогне во изградбата на областа на правдата, а зголемување на довербата меѓу европските земји, практичарите и граѓаните, велат организаторите.
На работилницата ќе учествуваат судии, јавни обвинители и претставници од сите релевантни институции од Република Македонија и претставници од Правосудните Академии од земјите од Србија, Црна Гора, Косово, Албанија и Турција.
Во рамките на работилницата излагања ќе имаат директорката на Академијата за судии и јавни обвинители „Павел Шатев“ Анета Арнаудовска, генералниот секретар на Европска мрежа за судска обука Војчех Постулски, директорот на Белгиски институт за судска обука Раф Ван Рансбег, судијата во Окружниот суд Кристианстад, Шведска, Ленарт Јохансон, како и претставниците од Правосудните Академии од земјите од регионот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација