Марш на иницијативата „За заедничка Македонија“ во Куманово
Кумановци и вечерва се приклучија на маршот што го организира граѓанската иницијатива „За заедничка Македонија“ и упатија пораки за зачувување на унитарноста на државата и отфрлање на тиранската платформа.
Протестниот марш започна од пред општина Куманово, продолжи по централните градски улици и заврши пред платото на Центарот за култура.
На кумановци им се обрати Маријан Гијовски, кој рече дека е чест да се говори во Куманово, кој го даде еден од најголемите македонски синови на 20 век, Драган Богдановски, за кого рече дека целиот живот и слугуваше на Македонија.
- За жал и во 2017 година овој народот и државата мора да се справуваат со политичари кои немаат личност, кои немаат почит ни кон себе, ни кон сопствениот народ. Се служат со сплетки и интриги и се надеваат на помош од надвор, изјави Гијовски.
Гијовски го повика лидерот на СДСМ да се огради од платформата изработена во Тирана. Додаде дека нивната стратегија е да се игнорираат граѓаните, но потенцира дека нема да се откажат.
- Нашата сила е во единството, изјави Гијовски, нагласувајќи дека единствена Македонија подразбира неменување на Уставот.
Изрази поддршка на претседателот Иванов, кој како што рече, веќе се запишал во историјата.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април