Ракомет
20. January 2017 - 16:53

Манасков предвреме го заврши шампионатот во Франција

 Дејан Манасков предвреме го завршува својот настап на Светското ракометно првенство во Франција. 
 
Иако, првичните информации од Мец, беа смирувачки, сепак последната вели дека Манасков нема да може да го продолжи шампионатот, односно да игра на утрешнит осминафинален меч против Норвешка. 
 
Имено, лекарски прегледи покажале дека Манасков има руптура (скинат) мускул, повреда поради која ќе мора да паузира околу два месеци.
 
Останува да се види дали лекарскиот тим ќе го оспособи Филип Миркуловски кој според првичните информации беше далеку понеизвесен од Манасков или пак и тој нема да може да им погне на црвено-жолтите во обидот да го остварат најдобриот пласман на Светските првенства. 
 
Сигурно дека селекторот  Лино Червар за утрешниот меч со Норвешка во составот ќе вметне нов играч, а кој ќе добие шанса останува да се види. 
 
Мечот меѓу Македонија и Норвешка ќе се игра утре со почеток од 16 часот.