Македонските вина се промовираат на пазарите во Данска
- Македонските вина се промовираат на пазарите во Данска со посебен акцент на сортата „вранец“ како најголем репрезент на македонската винарска индустрија.
Промотивните настани се одржуваа вчера и денеска во Копенхаген каде винарските визби Тиквеш, Стоби, Далвина, Бовин, Камник, Попов и Попова кула ги презентираа своите производи пред дистрибутери, увозници, ХОРЕКА и професионални купувачи на вино. Во рамки на промоциите се одржаа и две мастерклас презентации коишто ги водеше винскиот критичар и судија Дарел Џозеф.
Настаните ги организира македонското Министерство за земјоделство, шумарство и водостопаство во соработка со здружението „Вина од Македонија“. Финансиски промоциите се поддржани од Министерството за земјоделство преку Програмата за поддршка на руралиот развој за 2017 година.
- Данскиот пазар е еден од најпотенцијалните пазари за извоз на македонското флаширано вино, каде извозот секоја година бележи пораст и токму поддршката и организацијата на овие промотивни настани даваат позитивни резултати во делот на градење на брендот и имиџот на македонското вино, велат од здружението „Вина од Македонија“.
Минатиот месец, македонските вина беа промовирани во САД на три настани во Њу Џерси, Мајами и Нејплс.
Ново на Сител
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер