Кошарка
19. January 2018 - 19:54

Македонските репрезентативци на дерби на Евролигата

 

Членовите на две млади македонски кошаркарски репрезентации (до 15 и до 16 години), изминативе пет дена се во Истанбул, каде одиграат неколку контролни средби со нивните врсници од повеќе реномирани турски екипи. 

 
Покрај контролните средби, младите македонски кошаркари вечерва имаа можност да присуствуваат и да го следат големото турско дерби меѓу Анадолу Ефес и Фенербахче во рамките од Евролигата. 
 
Сигурно дека ова е привилегија, но пред се мотив повеќе и обврска за овие момчиња, напорно да продолжат со работат (тренираат), за еден ден и тие да бидат дел од тимовите кои играат во елитното натпреварување. 
 
Потсетување дека пред контролните средби во Истанбул, црвено-жолтите минаа и неколку дена во Белград, каде одиграа контролни средби со најдобрите српски екипи. 
 
Инаку, мини турнеите на овие две селекции, се реализира благодарение на развојната програма која Македонската кошаркарска федерација (МКФ) ја прави изминатите години, а веруваме и дека ќе ја  продолжи и во иднина, а е дел од проектот на ФИБА Европа насловен како „Заедно до 16 години“.