Македонските ракометарки гостуваат на Фарските Острови

 

 

Женската ракометна репрезентација на Македонија вечерва ќе го одигра првиот од двата меча против селекцијата на Фарски Острови во рамки на квалификациите за Европското првенство, што годинава се одржува во Франција.

 

По двата порази од Шведска и Србија, сега избраничките на селекторот Симе Симевски ја имаат фаворитската улога, која најнапред треба да ја оправдаат вечерва на средбата која ќе се игра од 20 часот, а потоа и да ја потврдат на возвратниот меч закажан за во недела од 19 часот во „Кале“.

 

Ова е натпревра од третата квалификациска група во која попладнево ќе се игра мечот меѓу Србија и Шведска селекции кои имаат по 4, додека Македонија и Фарските Острови досега немаат освоено бод.