Кошарка
15. November 2017 - 11:32

Македонските кошаркарки на мегдан против Шведска

 
Женска кошаркарска репрезентација на Македонија, попладнево во Содерталје, против Шведска ќе го одигра вториот натпревар во рамки на првиот прозорец од евроквалификацискиот циклус. 
 
Избраничките на селекторот Марјан Лазовски, вчера го одржаа единствениот тренинг пред денешниот дуел со Шведска, во кој македонските кошаркари со право се надеваат на триумф, особено по одличната игра која ја прикажаа на првиот меч во Скопје, каде тесно беа совладани од фаворизираната Италија,
 
 
Во тимот, како и досега, владее позитивна атмосфера која ќе придонесе за подигнување на самодовербата на кошаркарките пред мечот со Швеѓанките, кои во првото коло славеа триумф на гостувањето кај Хрватска (57-54)
 
Натпреварот ќе започне во 18:35 часот. Сите љубители на кошарката кои ќе сакаат да го проследат натпреварот ќе можат да го направат тоа преку YouTube каналот на ФИБА односно на следниот линк ОВДЕ 
 
Во вториот меч од оваа група (Х), ќе играат Италија и Хрватска (20.30 часот).