Македонска културна вечер во Стара Загора
Македонска културна вечер ќе биде одржана утре во Регионалната библиотека „Захариј Књажески“ во Стара Загора.
Како што информираат од КИЦ на РМ во Софија, вечерта ќе биде отворена со изложбата на групата „Конекција 2“ на која ќе бидат претставени дела на 13 уметници од Република Македонија.
Отворањето ќе биде збогатено со македонска музика, а актерот Иван Калошев ќе интерпретира стихови на македонски и бугарски јазик од Ацо Шопов, Анте Поповски, Веле Смилевски, Богомил Ѓузел, Лилјана Дирјан, Никола Маџиров и други познати македонски поети.
За ова прво целовечерно македонско културно претставување во Стара Загора, ќе зборуваат директорот на КИЦ на Република Македонија во Софија Васко Шутаров, а се очекува обраќање на претставник од Советот на Општина Стара Загора и директорката на Регионалната библиотека.
Овој проект е финансиски поддржан од Министерството за култура на Република Македонија.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората