Ракомет
19. јуни 2017 - 16:38

Македонија тргнува од вториот „шешир“ на Европското во Хрватска

Ракометната репрезентација на Македонија е одредена да биде во вториот „шешир“ за извлекувањето на групите за Европското првнество во Хрватска заедно се селекциите на Данска, Белорусија и Шведска. Тоа се репрезентации против кои Македонија нема да игра во првата фаза од групите на шампионатот што ќе се одржи од 12 до 28.јануари 2018 година. 
Во првиот „шешир“ ќе бидат селекциите на: Германија (европски првак), Шпанија, Франција и Хрватска (домаќин). Во третиот „шешир“ се репрезентациите на: Норвешка, Србија, Црна Гора и Чешка, додека во четвртиот „шешир“ се наоѓаат: Унгарија, Словенија, Австрија и Исланд.
Познато е дека Хрватска своите натпревари од првата фаза ќе ги игра во Сплит, Норвешка е во групата во Пореч, Словенија ќе биде во Загреб, а Унгарија во Вараждин.
Извлекувањето на групите ќе се одржи на 23.јуни (петок) во Загреб со почеток во 19 часот.