Македонија на Саемот на книга во Белград
Министерот за култура Роберт Алаѓозовски за време на неговиот престој во Република Србија оствари повеќе средби и активности и на Саемот на книга што се одржува деновиве во Белград.
- По успешниот настап во Франкфурт, македонските издавачи продолжуваат со интензивна меѓународна презентација на изданијата и авторите од нашата земја, информира Министерството за култура.
По неколку години пауза, Македонија годинава се претставува на Саемот со избор од над 400 репрезентативни дела од домашни автори, преводи и атрактивни наслови од речиси сите жанрови. Организатор на македонскиот настап на саемот во Белград е Македонската асоцијација на издавачи (МАИ), со поддршка на Министерството за култура.
Специјални гости на Белградскиот саем се Германија, Австрија, Швајцарија и Лихтенштајн, кои настапија под мотото „Четири земји еден јазик“. Министерот Алаѓозовски, како што се наведува, оствари средба со претставниците на овие четири земји, коишто се основачи на Европската мрежа за превод и литература ТРАДУКИ, чиј полноправен член ќе стане и Македонија до крајот на оваа година.
Во рамки на Саемот, на штандот на македонските издавачи ќе се одржат и повеќе настани. Во четврток (26 октомври) посетителите, издавачите и агентите ќе имаат можност за средба со писателката Јана Мишо, автор на романите „Скоро Парижанка“ и „Анаис од Монмартр“. Петок (27 октомври) ќе биде посветен на детската литература, а покрај промоцијата на детската продукција и едукативните изданија ќе се одржат и креативни работилници за деца, додека во сабота (28 октомври) ќе се одржи средба со македонски автори чии дела се објавени на српски јазик.
Саемската публика ќе има можност да се запознае со македонските автори Румена Бужаровска, Винка Саздова, Јагода Михајловска-Георгиева, Александар Прокопиев, Сашо Димоски и Венко Андоновски.
Претставниците на Асоцијацијата во текот на саемските денови ќе потпишат и Меморандум за соработка со Здружението на српските издавачи и книжари. Меморандумот предвидува интензивирање на соработката меѓу српските и македонските издавачки куќи со цел поголема и подобра размена на книжевни и други дела.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца