Ракомет
20. March 2017 - 8:20

Македонија избори пласман на ЕП за ракометарки до 19 години

Со победата над Фарски Острови од 23:19 постигната синоќа на последниот натпревар од квалификационата група 1 женската младинска ракометна репрезентација на Македонија (ракометарки до 19 голови) избори учество на Европското првенство што од 27 јули-6 август ќе се игра во Словенија.
 
Победата постигната над Фарски Острови беше втора за Македонија во групата откако претходно беше совладана Молдавија. Македонија го освои второто место во групата, зад Унгарија.
 
Најефикасна на натпреварот беше Леонида Гичевска со 7 голови, додека Марија Гајиќ постигна 6.
 
На Европското првенство ќе играат следниве 16 репрезентации: Македонија, Унгарија (група 1), Шпанија, Романија (група 2), Франција, Црна Гора (група 3), Хрватска, Холандија (група 4), Шведска, Србија (група 5), Португалија (група 6), Норвешка (група 7), Германија (група 8), Данска, Русија и Словенија директно се пласирани.