Македонци се собраа во поддршка на Трамп, бараат крај на мешањето на Сорос
Неколку десетици Македонци од САД се собраа вечерва пред кулата на идниот американски претседател Доналд Трамп во Њујорк, да протестираат против поддршката која претходната американска администрација и амбасадата во Скопје и ја даваат на фондацијата на Џорџ Сорос во Македонија и нејзините, како што рекоа, деструктивни политики.
“Драг претседателе Трамп, ние, Американците со македонско потекло, ви честитаме на изборот. На нашата матична земја Македонија и е потребна вашата помош. Ве повикуваме да ги заштитите Македонија и македонската демократија од Фондацијата Отворено Општество на Џорџ Сорос. Преку американската амбасада во Скопје, пари од американските даночни обврзници се даваат за отворено поддржување на радикалните и честопати насилни активисти на Сорос. Администрацијата во заминување, преку
амбасадата на САД, направи фондацијата на Сорос да биде главен извршител на проектите на УСАИД и на американската Влада во
Македонија. Фондацијата на Сорос е озлогласена по обидите да ги спроведе радикалните политички ставови на овој милијардер. Резултатот на оваа активност беше насилство против македонската полиција и насилни протести во многу македонски градови”, пишува во писмото што собраните Македонци го прочитаа пред кулата на Трамп, во која во изминатите недели се формира идната американска Влада.
Причина за протестот се проектите на УСАИД Македонија во областа на медиумите и развојот на граѓанското општество, кои честопати ги спроведува токму Фондацијата на Џорџ Сорос, или организации кои произлегле од неа. Македонците во САД велат дека преку УСАИД, милиони долари на американските даночни обврзници, меѓу кои се и тие, завршиле во рацете на крајно левичарска и радикална организација која ги координира своите активности со политички партии, учествуваше во креирањето на политичката криза, во организирањето на протестите во кои беа повредувани десетици полицајци во екот на мигрантската криза на јужната граница.
“Ние сме тука во поддршка на независноста на Македонија, членството во НАТО и територијалниот интегритет на Република Македонија”, се вели понатаму во пораката која беше прочитана пред кулата Трамп, а во која се додава и дека Македонците од САД сакаат да се обнови пријателството меѓу двете земји.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово