Мајмунот Геда од Кина предвидува победа на Трамп

Според мајмунот Геда, од кинеската покраина Хунан, кој носи жолт дрес на кој пишува „Крал на предвидувањата“, следен претседател на САД ќе биде Доналд Трамп.

Пред мајмунот беа поставени картонски верзии на Доналд Трамп и Хилари Клинтон и тој, по кусо размислување, пријде кон кутијата на Трамп и го бакна во уста, што според вработените во паркот Шијанху е знак дека Хилари ќе ги изгуби изборите.

Мајмунот претходно оваа година предвиде дека Португалија ќе ја освои титулата првак на Европското фудбалско првенство, па многумина веруваат дека предвидувањето и овојпат ќе му биде точно.