-->
-->
ЛШ: Вечерва драма во сите четири групи
-->
Со натпреварите во групите Е, Ф, Г и Х, во среда, ќе заврши првата фаза во фудбалската Лига на шампиони. Од оваа половина пласман во осминафиналето веќе обезбедија Барселона, Баерн Минхен и Зенит, додека за преостанатите пет места ќе се води голема битка.
Во Е групата, Рома судбината ја има во своите раце, со победа над БАТЕ Борисов римјаните ќе продолжат во наредната рунда. Белорусите можат во осминафиналето, само доколку победат во Рим, а во исто време Барселона да остане непоразена во Леверкузен. Германскиот тим, пак, со победа над Барса ќе чека кикс на Рома.
Олимпијакос и Арсенал во директен дуел ќе решат кој ќе биде втор во Ф групата. Олимпијакос со нерешено и со минимален пораз (0:1, 1:2,) може до втората позиција, додека на Арсенал му е потребна победа од два гола разлика или победа од еден гол, но со резултат поголем од 3:2.
Три екипи во Г групата се борат за пласман во осминафиналето, а во најдобра положба е Динамо Киев. Украинците ќе го пречекаат Макаби и со победа ќе обезбедат една од првите две позиции.
Челзи и Порто исто така ќе водат голема борба, на англискиот шампион му одговара и нерешено, а Порто со евентуална победа ќе оди во осминафиналето и во исто време ќе го елиминира Челзи од ЛШ.
Математиките во Х груата се јасни, Гент треба да слави во дуелот со Зенит, единствениот тим кој има максимален учинок во првите пет натпревари, и да го оставри најголемиот успех во својата историја.
Во исто време Валенсија ќе брка победа над Лион и ќе чека пораз на Гент за пласман во нокаут фазата. Во случај на нерешен резултат на двете средби во Г групата Гент ќе биде на втората позиција.
Група Е:
Рома-БАТЕ Борисов
Баер Леверкузен-Барселона
Табела: Барселона 13, Рома 5, Леверкузен 5, БАТЕ 4
Група Ф:
Олимпијакос-Арсенал
Динамо Загреб-Баерн Минхен
Табела: Баерн 12, Олимпијакос 9, Арсенал 6, Динамо 3
Група Г:
Челзи-Порто
Динамо Киев-Макаби
Табела: Челзи 10, Порто 10, Динамо 8, Макаби 0
Група Х:
Гент-Зенит
Валенсија-Лион
Табела: Зенит 15, Гент 7, Валенсија 6, Лион 1.
-->
-->
-->
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората