Фудбал
12. July 2017 - 11:37

ЛШ: Вардар вечерва против Малме

Македонскиот шампион Вардар денеска го започнува настапот во квалификациите за пласман во Лигата на шампионите. Вардар, во Шведска, ќе му гостува на Малме.

„Дојдовме тука да направиме добар резултат. Знаеме дека играме против екипа која е добра која секоја година игра во групната фаза од Лигата на шампионите и Лигата на Европа. Моите момци се подготвени да го дадат максимумот, да излезат утре, и се надевам со една наша игра на овој прв меч кој следува, ќе оствариме добар резултат. Знаеме дека стадионот ќе биде полн. Но, ние во своите редови имаме репрезентативци кои што имаат играно натпревари со многу публика, и очекувам сите да дадат се од себе за да оствариме добар резултат. Го респектираме противникот, но шансите постојат и тие шанси кои ќе се укажат ќе мора да ги искористиме и да одиме понатаму. Ова е прв натпревар, и очекувам овој двомеч да биде решен на реваншот во Струмица.“, изјави тренерот на Вардар Гоце Седлоски прес конференција во пресрет на дуелот со шведскиот првак.

Вардар во изминатите две сезони не успеваше да го мине второто квалификациско коло, а во „црвено-црниот“ табор се надеваат дека пропуштеното во претходните две години ќе го надополнат против Малме.

Дуелот на „Сведбанк“ арена ќе започне во 19 часот