Ракомет
27. November 2016 - 20:24

ЛШ: Металург пресилен за Татран Прешов

Ракометарите на Металург ја остварија четвртата победа во групата од Лигата на шампионите (две по ред) откако попладнево го победија Татран Прешов со 26:20. Со овој триумф Металург се искачи на третото место на табелата во групата Ц.
Почетокот на дуелот не почна најдобро за македонскиот вицепрвак. Се повреди репрезентативецот Филип Кузмановски (има скршеница на рака), а противникот водеше со 3:0. Сепак избраниците на тренерот Лино Червар дојдоа до пресврт и на полувреме водеа со 11:10. Во вториот дел покрај Филип Талески се разигра и Немања Обрадовиќ и Металург стигна конечните 26:20.
Талески со 10 голови беше најефикасен, а по 5 постигнаа Обрадовиќ и Александар Гуглета. Голманот Дарко Арсиќ имаше 16 одбрани.
Во следното коло Металург гостува кај Ла Риоха.
Двојки од 8.коло и табели:
А група: Флензбург – Кил 25:26, Кадетен Шафхаузен – Висла 27:25. ПСЖ – Веспрем 28:24 и Барселона – Силкеборг 34:19.
Табела: ПСЖ 14 бодови, Барселона 14, Флензбург 9, Веспрем 8, Кил 8, Висла 5, Силкеборг 4, Кадетен Шафхаузен 2.
Б група: Вардар – Рајн Некар Ловен 26:29, Пик Сегед – Кристијанштад 33:28. Килеце – ППД Загреб 29:25 и Цеље – Мешков Брест 36:36.
Табела: Вардар 12, Киелце 12, ПИК Сегед 11, РНЛ 11, Мешков Брест 8, Цеље 5, Кристијанштад 3, Загреб 2.
Ц група: Чеховски Медведи – Елверум 26:31, Монпеље – Ла Риоха 37:27. Металург – Татран Прешов 26:20.
Табела: Монпеље 12, Ла Риоха 9, Металург 8,Елверум 7, Чеховски Медведи 6, Татран Прешов 6.
Д група: Мотор – Динамо Букурешт 35:27. Холстебро – Брага 34:29 и Бешикташ – Нант 28:33.
Табела: Нант 13, Мотор 11, Бешикташ 9, Динамо (Б) 6, Холстебро 5, Брага 4.