Ракомет
7. December 2015 - 8:41

ЛШ: Флензбург и Барселона лидери во групите

По одигрувањето на 10.коло во ракометната Лига на шампионите на водечките позиции во групите се наоѓаат Флензбург (А) и Барселона (Б). Но, во групата А ист број бодови има и ПСЖ, додека Барселона по првиот пораз дома е само со еден бод предност во однос на Киелце.

Вардар остана на 5.место во групата и само со победи дома и на гости во последните четири кола македонскиот првак ќе може да ја подобри својата позиција.
За Металург кој настапуваше во Д групата натпреварувањето заврши со две победи.
Двете првопласирани екипи од групите Ц и Д ќе вкрстат меѓу себе за тоа кои два тима ќе продолжат во нок аут фазата заедно со екипите од групите А и Б.

Резултати за 10.коло и табели:

А група: Висла – ППД Загреб 23:23, Кил – Веспрем 25:24, ПСЖ – Цеље 32:27, Бешикташ – Флензбург 26:34.

Табела: Флензбург 16 бодови, ПСЖ 16, Веспрем 15, Кил 11, ППД Загреб 9, Висла 8, Цеље 3, Бешикташ 2.

Б група: Вардар – Колдинг 34:24, Кристијанштад – Монпеље 29:30, Барселона – Киелце 31:33, ПИК Сегед – Рајн Некар Ловен 30:24.

Табела: Барселона 15, Киелце 14, Рајн Некар Ловен 13, ПИК Сегед 13, Вардар 12, Монпеље 7, Кристијанштад 4, Колдинг 2.

Ц група: Порто – Војводина 37:15, Мешков Брест – Чеховски Медведи 32:26, Татран Прешов – Ла Риоха 19:21.

Табела: Мешков Брест 16, Ла Риоха 14, Порто 14, Чеховски Медведи 8, Војводина 4, Татран Прешов 4.

Д група: Кадетен Шафхаузен – Баја Маре 24:23, Елверум – Металург 29:23, Скјерн – Мотор 36:36.

Табела: Мотор 15, Скјерн 14, Кадетен Шафхаузен 11, Баја Маре 9, Елверум 7, Металург 4. 

Во баражите ќе играат: Ла Риоха - Мотор и Скјерн - Мешков Брест. Термини за одигрување на дуелите се: 24-28.02.2016 и 02-06.03.2016 година.