Локални врнежи од дожд, во Штип ветер со брзина од 45 километри на час
Во западните делови од државата утринава и во текот на ноќта имаше слаби локални врнежи од дожд и дуваше слаб до умерен југоисточен ветер. Во Штип, ветерот бил со брзина од 45 километри на час.
Во текот на денот времето ќе биде променливо облачно со повремени локални врнежи од дожд со послаб интензитет во западните и југозападните делови. Ќе дува умерен до засилен југоисточен ветер.
Во текот на ноќта, почнувајќи од западните делови, врнежите ќе се интензивираат и ќе се прошират и кон исток. Ќе дува умерен, на места повремено засилен југоисточен ветер. Максималната температура ќе биде во интервал од 12 до 17 степени.
Во Скопје ќе биде променливо облачно со умерен, повремено засилен југоисточен ветер. Во текот на ноќта ќе има повремен дожд, а максималната температура ќе достигне до 15-тиот степен.
Според УХРМ, утре ќе биде променливо облачно со повремени врнежи од дожд кои наместа ќе бидат пообилни со над 25 л/м2, особено на запад и во југоисточните делови. Ќе дува умерен, на места повремено засилен југоисточен ветер.
Во следните два дена ќе има преодно стабилизирање на времето, а од викендот следува период на променливо облачно и врнежливо време.
Ново на Сител
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел
-
Куќен притвор од 48 часа за две лица поради убиството на лекарот во Железара
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо