Локализиран пожарот кај делчевските села Драмче и Селник
Локализиран е пожарот кој од вчера попладне беше активен на територијата на делчевските села Драмче и Селник. Според последната информација од Драган Балас од Цетарот за уравување со кризи од Делчево, пожарот е локализиран, но се уште гори на одредени места.
- Успеавме попладнево да го локализираме пожарот, но поради ветерот се уште постои опасност од негово проширување, затоа имаме екипи кои контролираат на теренот. Според првичните проценки, опожарена е површина од околу 200 хектари, претежно борова и дабова шума, но и сува трева. Исто така, изгореа десетина објекти меѓу нив и куќи од двете села Драмче и Селник, но и пет бандери на ЕВН, така што има прекин во снабдувањето со електрична енергија на оваа територија, истакна Балас.
Тој потврди дека денеска во гаснењето на пожарот интервенирал и хеликоптер на АРМ, а учествувале стотина лица од ЈП Македонски шуми „Голак“ Делчево од ЈПКД „Брегалница“ од Делчево, месно население и ТППЕ од регионот.
Пожарот почнал да се шири вчера околу 13 часот од запалена фурна за леб од куќа во Стамболиско маало од селото Драмче по што се проширил со голема брзина во околната шума.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија