Литературна манифестација „Илинден 2016“
Општина Илинден во насока на промовирање на современите културни достигнувања ја организира 17. литературна манифестација „Илинден 2016“, која од денеска до 21 мај ќе се одржува во Домот на култура „Илинден“.
Свеченото отворање на манифестацијата е вечер, со почеток во 19 часот. Централниот настан, поетски митинг „Стихови за душата“ ќе се одржи на 20 мај, со почеток во 19 часот. Ќе настапат дваесет и пет писатели од Македонија и од балканските држави.
Во рамките на манифестацијата во Домот на култура „Илинден“ ќе се одржи саем на книгата под мотото „Денови на книгата“, каде љубителите на пишанот збор ќе можат да најдат богат избор на книги и да се запознаат со најновите изданија. Ќе биде промовирана Антологија на македонската поезија за деца „Сончево огледало“ од Раде Силјан, романот „Мемоарите на една млечка“ на Блаже Миневски, македонското издание на поетската книга „Сончев појас - осамени стихови“ на поетот од Бугарија Владимир Луков, а ќе има и повеќе промоции на книги од млади автори.
Ќе бидат одбележани и осумдесет години од раѓањето на современите македонски писатели Оливера Николова, Иван Чаповски и Михаил Ренџов, кои оставија неизбришлива трага во македонската литература. Ќе се одржат повеќе литературни средби, а присутните ќе имаат можност да ја проследат и изложбата на доајенот на македонската ликовна уметност, академик Васко Ташковски.
И годинава ќе има традиционално Литературно матине за деца, на кое ќе настапат повеќе писатели за деца и млади, а своја платформа за афирмација ќе имаат и младите неафирмирани поети.
За сите вечерни настани, општина Илинден организира превоз за посетителите. Секој ден од паркингот пред хотелот „Холидеј Ин“, во центарот на Скопје, во 18 часот ќе поаѓа автобус број „63“ кој ќе ги превезува посетителите на манифестацијата до општина Илинден и ќе ги враќа кога ќе заврши вечерниот настан. Настаните почнуваат во 19 часот. Влезот за сите културни настани е слободен.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено