Ле Пен вети дека ќе го признае Крим како дел од Русија ако ги добие претседателските избори
Претседателката на Националниот фронт Марин Ле Пен, кандидат за претседател на Франција, вети во интервјуто за „Известија“ дека официјално ќе го признае Крим за дел од Русија ако ги добие овогодинешните претседателски избори.
- Да, по референдумот што покажа дека народот се согласува да се присоедини кон Русија, јас исто така го признавам Крим за дел од Руската федерација, истакна Ле Пен.
Според неа, приклучувањето на Крим во Украина било само „административно прашање од советското време, полуостровот никогаш не бил украински“.
Таа изрази жалење бидејќи референдумот од март 2014 година не е признаен од меѓународната заедница и од ОН.
Кандидатката за претседател на Фрација, нагласи дека ќе ги подобри односите меѓу Париз и Москва.
- Планирам да и обезбедам на Франција независност од САД и НАТО и да ги обновам нормалните односи меѓу Франција и Русија, особено по воведувањето на неправедните и неефикасните санкции, истакна претседателката на Националниот фронт.
Ле Пен нагласи дека сака да и го врати на Франција нејзиниот „глас и место во светот“.
Според неа, француските власти децении ги следеле идеите на европеизмот, потиснувајќи ги сопствените интереси.
Претходно таа изјави за телевизијата „Бе-Еф-Ем“ дека „не го оценува за нелегитимно“ присоединувањето на Крим кон Русија и оти не гледа основа да се стави под сомнение референдумот од 2014 година.
Сегашната власт на Франција не го признава враќањето на Крим во составот на Русија, напоменува ТАСС.
Последните анкети ја определуваат Ле Пен како еден од фаворитите за претседателските избори, која најмалку ќе стигне до вториот круг.
Изборите во Франција ќе се одржат во два круга - на 23 април и на 7 мај.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп