Лажната амбасада на САД во Гана затворена по 10-годишна работа
Лажна амбасада на САД во Гана што ја воделе банди на организиран криминал е затворена по 10-годишно работење кое опфаќало и издавање фалсификувани визи.
Стејт департментот наведе во соопштение дека со лажната амбасада управувале криминалци, државјани на Гана и Турција и еден адвокат до Гана кој се занимавал со имиграциски прашања.
Наводната амбасада работела на имот во престолнината Акра каде се наоѓа и вистинската амбасада на САД. Пред зградата на лажната амбасада имало американско знаме три дена неделно, а во внатрешноста и фотографија од претседателот Барак Обама. Тие издавале лажни документи на клиенти по цена од 6.000 долари.
Услугите на амбасадата биле рекламирани преку флаери и билборди во Гана, Брегот на Слонова Коска и Того. Покрај визи, „конзуларните службеници“ издавале и лажни банкарски сметки, школски свидетелства и изводи од книга на родени.
Работата на лажната амбасада се одвивала непречено поради соработка со корумпирани официјални лица и можноста да одбијат легитимни бланко документи, наведува Sтејт департментот. Во полициска операција запленети биле 150 пасоши од 10 држави, вистински и фалсификат визи за САД, Шенген, Индија и Јужна Африка како и фалсификувани лични карти, заедно со компјутери и мобилни телефони.
Властите се уште трагаат по неколкумина осомничени.
Полицијата основано се сомнева дека во Акра работела и лажна амбасада на Холандија.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација