Лавров: Жалиме поради затворањето на конзулатот во Сан Франциско
Рускиот министер за надворешни работи Сергеј Лавров денеска за време на телефонскиот разговор со американскиот колега Рекс Тилерсон изрази жалење поради „ескалација на тензиите“ по одлуката на Вашингтон да го затвори рускиот конзулат во Сан Франциско и уште два објекта, соопшти руското МНР.
- Москва внимателно ќе ги анализира новите мерки на Американците, по што ќе биде соопштена нашата реакција, се наведува во соопштението.
Државниот секретар на САД го побара Лавров телефонски откако Вашингтон соопшти дека и наложил на Москва да го затвори својот конзулат.
- Во одговорот, шефот на руската дипломатија изрази жалење поради ескалација на тензиите во билатералните односи, пишува во соопштението.
Рускиот конзул во Сан Франциско, Сергеј Петров изјави дека Генералниот конзулат ќе дејствува согласно одлуката која ќе ја донесе руското раководство во врска со мерките на Американците.
- Сега Министерството за надворешни работи ќе одлучува за процедурата за затворање и каде ќе отидат луѓето, истакна Петров.
Русија има дипломатска мисија во Сан Француско од 1852 година. Конзулатот е затворен во 1924 година поради недостаток на финансиски средства, но повторно е отворен во 1934 година откако Вашингтон воспостави дипломатски односи со Советскиот сојуз.
САД денеска побара од Русија да го затвори својот конзулат во Сан Франциско, како и два објекта во Вашингтон и Њујорк како одговор на Москва која го намали американскиот персонал во Русија.
Стејт департментот соопшти дека таа одлука е донесена „во духот на реципроцитет“, додавајќи дека рокот за затворање на објектите е до сабота.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.