Лагард: Се уште сме далеку од усвојување програма за Грција прифатлива за ММФ
Директорот на Меѓународниот монетарен фонд (ММФ) Кристин Лагард изјави дека разговорите за грчкиот долг се уште се далеку од договор за програма, која ќе биде прифатлива за ММФ.
- Според мене преговорите, кои сега се водат се се уште далеку од програмата, која би можела да ја претставам на Управниот совет, напиша Лагард во писмото до грчкиот премиер Алексис Ципрас, објавено на сајтот на ММФ.
Писмото е одговор на барањето на Атина, Фондот да даде појаснување по објавувањето од Викиликс на документ, поврзан со преговорите, водени меѓу Атина и нејзините кредитори, во кој претставник на ММФ ја споменува можноста за објавување на платежна неспособност на Грција.
Според објавата на Викиликс од саботата, шефот на европскиот оддел на ММФ, Пол Томсен и раководителот на мисијата на Фондот за Грција, Делија Велкулеску во телеконференциска врска разговарале како да извршат притисок врз Грција и и се заканувале на земјата со банкрот, доколку не усвои нови строги мерки за штедење, кои не се вклучени во меморандумот, потпишан со меѓународните кредитори.
Во август 2015 година Еврогрупата, која ги обединува министрите за финансии на земјите од еврозоната, одлучи да има трета тригодишна меѓународна програма за кредитирање на Грција во износ од 86 милијарди евра.
Според условите на тој нов пакет, Атина треба да спроведе серија реформи во земјата, најмногу во пензискиот систем.
Меѓународните институции и експерти во моментов прават оценка на достигнувањата во грчките реформи. Откако оценката ќе биде готова, Еврогрупата ќе може да го одобри отпуштањето на новата транша од меѓународната макрофинансиска помош за Атина согласно третата програма.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април