Кузмановска: Тевдовски, Заев и Анѓушев ја урнисуваат економијата
Владата на црната тројка Тевдовски, Заев и Анѓушев продолжува да ја урнисува македонската економија. Вчера беше најавено ново задолжување кое според проспектите за аукција треба да биде во висина од околу 61 милион евра!
Со оваа аукција која треба да се случи како по правило во вторник вкупниот износ на средства кои расипничката и неодговорна власт на СДС ги има потрошено во рок од три месеци ќе изнесува вкупно 410 милиони евра! Во нив влегуваат и 170 милиони евра потрошени девизни резерви на Република Македонија.
Замислете потрошија за три месеци 410 милиони евра, а не направија буквално ништо. Граѓаните со свои очи гледаат како Македонија безмилосно ја задолжуваат, како ги трошат народните пари, а од тоа нема никакво фајде. Сите капитални инвестиции кои се градеа се стопирани, нема реконструкција или изградба на училишта, градинки, патишта, земјоделците немаат перспектива, тоне здравството, образованието, инвеститорите си заминуваат од Македонија, паѓа индустриското производство, растат цените, со еден збор се случува катаклизма во целата државата.
Граѓаните со право се прашуваат каде одат парите. Каде отиде ветувањето на Заев пред изборите дека нема да има нови задолжувања? Каде отидоа ветувањата на Заев за повисоки плати, 500 километри автопат, достоинствени земјоделци, подобри здравствени услуги и слични лаги кои ги кажуваше пред избори.
Единствено што се гледа, а на кое СДС и Заев не штедат пари е вработување на шарени револуционери, твитер ликови, анонимни поети, комедијанти, изготвување на акциски планови за населување на мигранти, купување на опрема, ф'стаци, октоподи, цвеќиња. Ова е вистината за планот за живот на СДС.
Граѓаните ќе ја казнат оваа неодговорност на министерот за задолжување Тевдовски, Заев и Анѓушев. Тие ќе бидат казнети за тоа што економски ја клекнаа државата за три месеци. Казната ќе ги стаса на локалните избори и тоа ќе биде увертира во предвремени парламентарни избори на кои граѓаните ќе застанат на патот на оваа расипничка и ненародна власт.
Ново на Сител
-
Погребна фирма во САД проневерила државна помош - не ги погребувала и кремирала телата
-
Да ѝ помогнеме на Моника Бојковска да оздрави
-
Арсовска: Нема да поминат заканите за тужба, да се одговори кога е осигуран објектот на Универзална сала
-
Албанец одбива да прими казна оти била напишана на македонски јазик
-
Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“
-
Градоначалник на скопска општина доби кривична за прекршување на Законот за заштита на деца
-
Грејната сезона продолжува поради временските услови
-
Османи: За предметот „Пациент“ на СЈО немаше обвинение, мојот противкандидат нема идеи во оваа изборна кампања