Курц изрази загриженост поради влијанието на Турција врз Западен Балкан
Министерот за надворешни работи на Австрија Себастијан Курц изрази загриженост поради зголеменото влијание на муслиманските земји врз државите од Западен Балкан.
Тој наведе дека се залага за забрзување на процесот за пристапување на земјите од Западен Балкан кон Европската унија.
Курц, во интервјуто за германскиот весник „Хенделсблат“, нагласи дека е загрижен поради растечкото влијание на Турција, како и на Саудиска Арабија, врз Западен Балкан.
- Во Сараево или Приштина, на пример, на жените им плаќаат да излегуваат на улица покриени, со цел да ја променат сликата за градот, објасни австрискиот министер за надворешни работи.
Курц истакна дека на тоа „не смее да се гледа без дејствување“.
Поради тоа, шефот на австриската дипломатија посочи дека треба да се забрза процесот за пристапување кон ЕУ, со цел Турција и другите сили да се држат „под контрола“.
- ЕУ, и покрај тоа што во моментов е вознемирена од случувањата како што се Брегзит, миграциската криза или тероризмот, не смее да го „испушти од вид“ Западен Балкан, изјави Курц.
Тој потенцираше дека во регионот повторно е забележан раст на тензиите меѓу земјите.
- Поради тоа мораме и понатаму да играме активна улога во овој, за Унијата, многу важен регион. Мораме да ги поддржиме реформите и борбата против радикализацијата, како и да понудиме веродостојна европска перспектива, заклучи Курц.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка