Култура: Откупени 37 композиции од класичната музика

37 композиции од областа на класичната музика откупи Министерството за култура.

Затворен е огласот за откуп на музички дела од областа на класиката. Вкупно 21 автор добија награди за изработените домашни композиции.

Од Министерството за култура велат дека на овој начин се стимулира креативноста на авторите за создавање нови музички форми кои ги следат светските трендови.

Според надлежните, откупот на музички класици влијае на младите автори да се занимаваат со оваа творечка професија.

За откуп на музичките дела од класиката, до сега Министерството за култура има обезбедено 15 милиони денари.