Балкан
13. March 2018 - 22:15

Куќи во Хрватска срамнети со земја по поплава и лизгање на земјиште

ХРТ јавува дека во делови од Хрватска е прогласена вонредна состојба поради поплавите од надојдената Уна, а оштетени се куќи и патишта, поради што неколку десетици граѓани се отсечени
 
За време на состанокот на Кризниот штаб на Цивилната заштира во Хрватска Костајница, на која присуствувал и хрватскиот премиер Андреј Пленковиќ, во ново лизгање на земјите биле оштетени уште десетина куќи, повеќето целосно.
 
„Дел од ридот се излизга во подножјето, но за среќа нема човечки жртви. Причината се големи количества снег, чие топење го предизвика лизгањето. Хрватската влада во соработка со локалните власти ќе им помогне на граѓаните кои останаа без своите домови. Ќе им обезбедиме сместување и помош во обновувањето на куќите“, изјави Пленковиќ.