КСС тврди дека нема социјален дијалог и најавува протести
Конфедерацијата на слободнисиндикати (КСС) на Македонија денеска повторно обвини дека не функционира социјалниот дијалог и оти се кршат законите и Деловникот за работа на Економско-социјалниот совет и поради тоа најави организирање на протести и генерален штрајк на национално ниво веднаш по завршувањето на локалните изборите.
- Веднаш по завршувањето на локалните избори доколку надлежните органи и нивните претставници на локално ниво и дел од раководствата во јавниот сектор продолжат со досегашниот начин на кршење на правните документи, КСС ќе преземе легитимни и легални мерки, како што се организирање протести пред надлежните државни институции кои се директни носители на споменативе состојби, ќе организира генерални штрајкови на ниво на јавниот сектор вклучително генерален штрајк на национално ниво во сите дејности, истакна на прес-конференција претседателот на КСС Благоја Ралповски.
Тој додаде дека дел од мерките ќе бидат и покренување на кривични постапки против сите оние кои досега имаат направено кривични дела, како и против оние кои евентуално истото би го направиле во следниот период, а ќе бараат да дојдат и претставници од меѓународните синдикални организации со цел на да ги согледаат и увидат состојбите.
За да не дојде до ова, Ралповски истакна дека КСС бара од Владата и од надлежните министерства итно и неодложно почнување на преговори за зголемување на платите на вработените во јавната администрација и почнување на преговори за измени и дополнувања на Општиот колективен договор за јавниот сектор со посебен акцент на утврдувањето на правото за регрес за годишен одмор попознат како К-15.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка