Крвава тепачка во Тетово
Вчера во 15.30 часот во Тетово на ул.„Благоја Тоска“, во близина на угостителски објект настанала расправија и меѓусебно туркање помеѓу Џ.Ф. (29) од Тетово Г.К. (31) од скопското село Петровец. Настанот го забележал полициски службеник, кој во моментот не бил на работа, и И.А.(46) од Тетово кои ги разделиле.
Како што денеска соопшти МВР, И.А. забележал дека Џ.Ф. во рацете има нож, се обидел да му го одземе, но ножот паднал на земја. Ножот го зел М.М. (25) од Тетово, кој, исто така, бил на местото на настанот и со истиот на И.А. му задал два удари во пределот на левиот бут и над бутот. А.Н. од Тетово (и тој бил присутен на местото на настанот) кон И.А. фрлил со бекатон коцка и го удрил во пределот на десната рака по што М.М. и А.Н. побегнале од местото на настанот.
И.А. бил префрлен во Клиничка болница Тетово каде му била укажана лекарска помош по што бил задржан на понатамошно лекување. Џ.Ф. бил приведен во ПС-Тетово и по извршениот разговор бил пуштен.
Увид на местото на настанот извршила екипа од СВР-Тетово.
За настанот е известен и Јавен обвинител. Се преземаат мерки за целосно расчистување на настанот.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари