Крвава расправија на нива помеѓу двајца браќа, еден прободен со нож
Расправијата помеѓу двајца браќа од гостиварското село Чегране за малку ќе завршела трагачно, откако едниот извадил нож и го пробил брата си во стомакот.
Според СВР Тетово, вчера попладне околу 18 часот и 30 минути, во гостиварската болница бил донесен В.А. (57) од Чегране со убодна рана во десната страна од стомакот. Осомничен дека раната со нож му ја нанесол е неговиот 63-годишен брат И.А., со кого половина час пред тоа, најпрво вербално се расправале, а потоа и физички се пресметувале на нива во близина, за која воделе судска постапка.
- Раправијата започнала откако помладиот од браќата со своето возило стигнал на нивата, каде го забележал постариот брат кој работел на оградата. Кусо се расправале, се степале, а И.А. кој во еден момент бил паднат долу на земјата, извадил нож и го прободел во стомакот, вели портпаролот на СВР Тетово, Марјан Јосифоски.
Роднина, кој бил во близина го пренел В.А. во гостиварската болница и по укажаната лекарска помош, а по барање на најблиските, префрлен на една приватна клиниката во Скопје.
Јавен обвинител и екипа од Полициската станица Гостивар извршиле комплетен увид, осомничениот лишен е од слобода, задржан е во Полициската станица Гостивар и по целосното расчистување на сите поединости ќе се соочи со соодветен поднесок.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април