-->
-->
Кривопаланечки планинари до тромеѓето помеѓу Македонија, Србија и Бугарија
-->
Дваесетина кривопаланечки планинари учествуваа на денешната планинарска акција до тромеѓето помеѓу Република Македонија, Република Србија и Република Бугарија. На тромеѓето се сретнаа со планинарите од останатите две соседни земји.
- Акцијата започна од месноста Крстов Дол, а минавме преку времениот граничен премин Голеш, кај селото Голема Црцорија. Вкупната должина на стазата во една насока изнесува околу седум километри и беше лесна за пешачење, изјави Денис Ангеловски, претседател на Здружението за планинарење и заштита на планината „Калин Камен“.
Ангеловски информира дека временските услови биле одлични, сувото време им послужи за лесно искачување, а додаде и дека од страна на организаторите бил обезбеден и бесплатен ручек за сите учесници.
- Нашите планинари се од разни возрасни категории, а особено сме активни есенва. Од почетокот на октомври учествувавме на четири планинарски акции во регионот и земјава, рече Ангеловски.
Следната акција која ја организира ЗПЗП „Калин Камен“ ќе се одржи на 24 октомври, a по повод 23 Oктомври, Ден на Македонската револуционерна борба.
- Акцијата е насловена „По патот на Комитите”, истата е кружна патека околу Комитски рид. Старт на акцијата е од т.н. Ловечка куќа, забавно рекреативен парк Калин Камен, преку езерце Калин Камен до врвот Калин Камен. Предвидено е да се движиме во насока на Ал’тн чешма, преку м.в. Слана бара-Бабина чешма-Столев врв-Борилова чука –Костадиница. Патеката е средно тешка и се совладува висинска разлика од 600 метри надморска височина, изјави Ангеловски.
Должината на патеката „По патот на Комитите” изнесува околу 20 километри или околу 8 часа одење со попатни паузи, а за акцијата е обезбеден и планианрски водич.
-->
-->
-->
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж