Кривична за лицето што постави импровизирана експлозивна направа во Собранието на 27 април
Поднесена е кривична пријава против Ј.Л. (41) од Скопје кој на 27 април, за време на насилните настани во Собранието поставил импровизирана експлозивна направа - петарда и боца со компримиран бутан гас залетени со селотејп, како и уште едно парче петарда.
Ј.Л. околу 19 часот заедно со толпата влегол во Собранието на Република Македонија. Околу 20:40 часот заедно со околу 20 лица се качил на првиот кат по што сам влегол во две канцеларии меѓусебно поврзани и под работно биро ја поставил импровизираната експлозивна направа, а потоа заминал.
Петардата и импровизираната експлозивна направа ги забележал вработен во Собранието на подот, при расчистувањето на 2 мај 2017 година околу 8:25 часот, по што, мислејќи дека се факел, заедно со колега ги однел и ги оставил до кофите за смет во ходникот. Истиот ден околу 17 часот вработен како обезбедување во Собранието, при обиколка во објектот, ја забележал импровизираната експлозивна направа и телефонски пријавил во СВР Скопје.
СВР Скопје до Основното јавно обвинителство достави и две Известувања, едното за преземени мерки и активности во врска со Наредба за утврдење на целосни лични податоци за вкупно седум лица - пратеници во Собранието на Република Македонија, а другото е Известување за досегашни преземени мерки и дејствија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари