Кралицата Елизабета изрази сочувство за жртвите во Манчестер

Британската кралица Елизабета денеска изрази сочувство до сите кои се погодени од самоубиствениот напад на концертопт на американската пејачка Аријана Гранде во Манчестер, при што загинаа 22 лица.

- Цела нација е шокирана од смртта и големиот број повредени луѓе, кои уживале во концертот во Манчестер. Знам дека зборувам во името на сите кога го изразувам своето најдлабоко сочувство со оние кои се погодени од овој стравичен настан, посебно семејствата и пријателите на тие кои загинаа или се повредени, се наведува во соопштението од кралицата.