Косовската Влада критикува српски документарен филм за наследството на Косово
Косовската Влада упати критики во врска со документарниот филм „Косово - моментот во цивилизација“, кој е прикажан во Српскиот културен центар во Париз, тврдејќи дека негова цел е „присвојување на културното и верското наследство на Косово и негово трансформирање“.
Како што се наведува во соопштението, Владата во Приштина смета дека филмот е „расистички и без преседан“, и дека е дел од „спорната кампања“ против членството на Косово во УНЕСКО, но и дека го претставува културното наследство на Косово како наследство на Србија.
Властите, имено, тврдат дека верските и културните објекти на Косово се „дел од наследството на земјата“ и не можат да се отуѓат, тие им припаѓаат на „државата Косово и нејзините граѓани“.
Владата во Косово наведува дека Србија продолжува да го блокира патот на Косово кон меѓународно признавање и членство во меѓународните организации, што е „спротивно со принципите за добрососедска политика“.
Режисерот на филмот Борис Малагурски изјавил дека идејата на филмот е да се прикаже загрозеноста, но и убавината на српското наследство на Косово.
Ново на Сител
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел
-
Куќен притвор од 48 часа за две лица поради убиството на лекарот во Железара