Балкан
22. October 2017 - 17:05

Косовската полиција открила гранати и експлозив во автобус од Србија

Косовската гранична полиција на граничниот пункт Јариње открила две рачни гранати, експлозив и детонатор во автобус кој доаѓал од Србија.

Бугарската агенција БТА го цитира косовското радио РТК2, според кое главниот обвинител за Косовска Митровица Шичири Шиља соопштил дека во врска со случајот се уапсени три лица. Портпаролот на полицијата Бесим Хоти потврдил дека на обвинителството се преддени три лица.

Во автобусот имало 57 лица, раселени во Србија, кои доаѓале да гласаат на локалните избори во Косово.

Друг автобус со стотина раселени од Србија утрово бил запрен на граничниот пункт Бела земја, соопшти косовската телевизија Пулс.