Косово остана без 15 милони евра од ММФ
Поради застојот во формирањето на новите институции, по предвремените парламентарни избори во Косово, одржани на 11 јуни, Приштина трпи огромни штети.
Косово загуби 15 милони евра од Меѓународниот монетарен фонд (ММФ), бидејќи договорот за кредит, предвиден да се потпише во јуни, пропадна поради предвремените избори.
Постојаниот претставник на мисијата на ММФ за Косово, Руд Вермулен, за „Коха визион“, изјави дека планираниот кредит за Косово изминал, бидејќи во тој период се одржувале изборите, а државата била без Влада.
Првиот човек на американската стопанска комора Ариан Зека, смета дека пропаѓањето на овој договор ќе ја оневозможи реализацијата на многу проекти предвидени со овој кредит.
Косово постигна економски договор со ММФ во 2015 година. Неговата вредност беше околу 185 милони евра за рок од 22 месеци. Рокот истече на 4 август.
Имено, Косово од 2009 година е дел од овој Фонд.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка